कोरियामा ऐना झ्यालको पुतली अक्टोबर १६ मा प्रर्दशन हुने

कोरियामा ऐना झ्यालको पुतली अक्टोबर १६ मा प्रर्दशन हुने

नेपालमा सफलता पुर्वक चलिरहेको चलचित्र ऐना झ्यालको पुतली अक्टोबर १६ मा कोरियामा प्रर्दशन हुने भएको छ । फोनिज कोरियाले राजधानी सोल स्थित जोङ्गाग गुम्बाको हलमा सोल शो गर्ने भएको हो।

‘यो चलचित्रका पात्र हामी आफै हौं । यसको कथा हाम्रो आफ्नै जीवन भोगाई हो । हाम्रै कथा भएकोले चलचित्र स्तरिय वनेको छ । त्यसैले यस पटक नेपालको प्रतिनिधित्व गर्दै यो चलचित्र ओस्करमा गएको छ । स्तरिय चलचित्रसँग हाम्रो सहकार्य गर्न पाउनु भनेको हाम्रो लागि पनि गर्वको विषय हो ।’ फोनिजका अध्यक्ष गोकुल थोकरले भने ।

बुसान फिल्म फेस्टिभल, ढाका अन्तराष्ट्रिय फिल्म फेस्टिभल, एसिया प्यासेफिक स्किन अवार्ड जस्ता अन्तराष्ट्रि फिल्म फेस्टिभलमा यो चलचित्र प्रर्दशन भैसकेको छ । नेपालमा चौथो हप्तामा प्रदर्शन भैरहेको चलचित्र नेपालको प्रतिनिधित्व गर्दै यो पटक ओस्कर फिल्म फेस्टिभलमा सहभागिता जनाउने भएको छ ।

संखुवासभामा छायाङ्कन भएको चलचित्रमा लक्ष्मी चिमोरिया, दिनेश खत्री, सिरु विष्ट, अशोक शिवकोटी, उमेर श्रेष्ठ लगाएतका कलाकारले अभिनय गरेका छन् । लोकल सिनेमाको प्रस्तुति रहेको चलचित्रलाई लेखन तथा निर्देशन सुजित विडारीको रहेको छ ।

कोरियाको विभिन्न क्षेत्रमा प्रर्दशन गर्न चाहनेले ०१०९६९०१९२१ मा सम्पर्क गर्न सक्नेछन् भने सोल शोको लागि अग्रिम टिकट बुकिङ खुल्ला गरिएको छ । आफ्नो टिकट लिनका लागि 전북은행 JB Bank (037) 1013011819316 (Yonjan Amir) पैसा जम्मा गर्न सकिने छ । चलचित्रको टिकट शुल्क २५ हजार वन रहेको छ ।

जोङ्गाग गुम्बाको हलमा जाने तरिका
सोल मेट्रो लाईन नं. १ को
जोङ्गाग स्टेशनको
गेट नं. २ वाट
२ सय मिटर अगाडी