विदेशी बालबालिकाका लागि जापानी भाषा शिक्षा दिने नीति ल्याउँदै जापान

जापान समाचार

टोकियो

प्रधानमन्त्री शिन्जो आबे नेतृत्वको सरकारले जापानमा बसोबास गरिरहेका विदेशी नागरिकका छोराछोरीलाई समेत जापानी भाषा शिक्षा दिने नीति ल्याएको छ ।

मंगलबार मन्त्रीपरिषद्ले यससम्बन्धी आधारभूत नीति पारित गरेको हो ।नीतिले सन् २०१९ को जुनमा कार्यान्वयन भएको जापानी भाषा शिक्षा प्रवद्र्धन कानूनमा आधारित रहेर त्यस्ता बालिबालिकाका लागि शैक्षिक अवसर सुनिश्चित गर्न खोजेको छ ।

शिक्षा मन्त्रालयले गत वर्ष मे–जुनमा गरेको एक अनुसन्धानमा प्राथमिक तह र कनिष्ठ उच्च विद्यालय जाने उमेरका जापानमा बासिन्दाका रुपमा दर्ता भएका करीब २ हजार बालबालिकाहरु विद्यालय गइरहेका छन् भन्ने अधिकारीहरुले पूष्टि गर्न सकेका थिएनन् ।

मन्त्रालयको विज्ञ समितिले त्यसपछि एउटा प्रतिवेदन तयार पारेको थियो । सो प्रतिवेदनले विदेशी नागरिक विद्यार्थीको विद्यालय भर्तीको अवस्था बुभ्नुपर्ने आवश्यकता र उनीहरुलाई विद्यालय भर्ती गर्न प्रोत्साहन दिनु पर्नेमा जोड दिएको थियो ।

जापानी भाषा शिक्षाको अभिवृद्धिका लागि केन्द्र सरकार उत्तरदायी भएको जापानी भाषा शिक्षा कानूनले परिभाषित गरेको छ । हालै पारित आधारभूत नीतिले जापानमा आप्रवासीको संखयामा भइरहेको वृद्धिलाई सम्बोधन गरेको छ ।

सन् १९९० को अन्त्यमा १० लाख ८० हजार रहेको आप्रवासीको संख्या सन् २०१९ को अन्त्यमा बढेर २९ लाख ३० हजार पुगेको छ । आप्रवासन नियन्त्रण र शरणार्थी पहिचान ऐनमा संसोधन गरिन लागेकोले विदेशी नागरिक र तिनका परिवारका सदस्यहरुको संख्या थप बढ्ने अपेक्षा गरिएको छ ।

Leave a Reply

Your email address will not be published.