इपिएस कार्यालयले सार्वजनिक गर्यो कोरिया जाने सुची, उडान तालिका आउन बाँकी

कोरिया समाचार

सिओल

इपिएस शाखा कार्यालय ग्वार्कोले कोरिया जाने नेपाली श्रमिकको नाम सार्वजनिक गरेको छ ।

शाखाले पुन कोरिया प्रवेश अनुमति पाएका (कमिटेड वर्कर) १ हजार ६८ जनाको नाम सार्वजनिक गरेको हो । योसँगै अव कोभिडका कारण लामो समय बन्द भएको कोरियाको रोजगारी पुन सुचारु हुने सकेंत देखिएको छ ।

कोरियाले पहिलो चरणको कोभिड नियन्त्रण गरेपछि कम्बोडिया र श्रीलंकाबाट केही श्रमिक लैजान सुरु गरे पनि पछिल्लो समय पुनः रोकेको थियो ।

नेपाल लगायतका विदेशी श्रमिकलाई लैजाने बारे तयारी भइरहेका बेला कोभिड भाइरस संक्रमण दोस्रो चरणमा प्रवेश गरेपछि विदेशी श्रमिकलाई रोक्ने निर्णयलाई निरन्तरता दिएको थियो ।

कोभिड संकटका कारण चैत यता नयाँ र कमिटेड ६ हजार ५ सय नेपाली युवाले कोरिया प्रवेशमा अनुमति पाएका छैनन् । नेपालसहित १६ राष्ट्रबाट बर्सेनि ५० हजार युवा कोरिया प्रवेश गर्ने गरेको भए पनि १० महिनायता सो क्रम रोकिएको छ ।

Ccvi हेर्नको लागी तलको लिङ्क क्लिक गर्नुहोला।

http://epsnepal.gov.np/news/

Leave a Reply

Your email address will not be published. Required fields are marked *