सिओल
विश्वभर दोश्रो लहरको कोरोना महामारीमा गुज्रिरहेको छ। अझै भनौं नेपाल भारतमा त झन भयावह स्थिति नै सृजना भएको छ।
विभिन्न विकशित देशले खोप आविष्कारको लागि अझै प्रयत्न गरिरहेका छन् यसै शिलशिलामा दक्षिण कोरियाले भने घरमै बसेर आफैले १५ मिनेटमा नै कोभिड नेगेटिभ पोजेटिभ पत्ता लगाउन सकिने किट्स द. कोरियाले बजारमा ल्याएको छ।
यो किट्स कोरियाको बजारमा उपलब्ध भए पछि अहिले जस्तो कोरोना टेस्ट गर्न अस्पताल वा हेल्थ पोस्टमा सम्म जानु नपर्ने कोरियाका सञ्चार माध्यमले जनाएको छ।नयाँदैनिकी
बाटोमा भेटेको १३ लाख नेपाली युवाले बुझाए कोरिया प्रहरीलाई
दक्षिण कोरियामा एक नेपालीले बाटोमा भेटिएको पैसा झण्डै रु १३ लाख वन ९झण्डै एक लाख ३८ हजार नेपाली रूपैयाँ० कोरियाली प्रहरीलाई बुझाएर आफ्नो इमान्दारी प्रदर्शन गरेका छन्।
हाल दक्षिण कोरियाको इन्छन् शहरमा बसोबास गरिरहेका रामेछाप जिल्ला लिखु गाउँपालिका–७ का प्रदीप श्रेष्ठले उक्त रकम भेट्टाएका थिए।इन्छनस्थित औद्योगिक क्षेत्र नाम्दोङमा आइतबार बाटोमा हिँड्ने क्रममा खाममा उक्त रकम भेटिएको हो।रकममध्ये रु १० लाख एक हजार कोरियन वन र बाँकी फिलिपिन्स, हङकङ र ताइवानका नोटहरू थिए।
उनले इन्छन्स्थित एक प्रहरी कार्यालयमा उक्त रकम बुझाएर आफ्नो इमान्दारी देखाएका हुन्। सन् २००९ मा पहिलोपटक दक्षिण कोरियामा इ–९ भिसा लिई कामदारका रूपमा प्रवेश गरेका श्रेष्ठ हाल भिसा परिवर्तन गरी एफ–२ रेसिडेन्सी भिसाअन्तर्गत कोरियामा बसोबास गरिरहेका छन्।
उनी इन्छन् होगुफोस्थित विदेशी सहायता तथा परामर्श केन्द्रमा लामो समयदेखि स्वयंसेवक भई दोभाषेका रूपमा काम गर्छन्। रकम भेट्टाएर प्रहरीलाई बुझाउन पाउँदा आफूलाई खुशी लागेको उनले बताए।अझ जसको पैसा हो, उसैले पाइदिए झन् खुशी लाग्ने उनको भनाइ छ।
कोरियामा बाटोमा पैसालगायत अन्य बहुमूल्य सामान भेटेमा त्यत्तिकै छाड्ने वा प्रहरीलाई बुझाउने गर्नुपर्छ। यदि प्रहरीलाई नुबुझाई आफैँले लगेमा चोरी गरेबराबर सजाय हुनसक्ने व्यवस्था छ।
