दक्षिण कोरियाली कम्पनी सामसुङको स्मार्ट घडीमै ईसिजी मापन गर्ने प्रविधि

कोरिया जानाकारी

सोल

दक्षिण कोरियाली विद्युतीय सामाग्री निर्माता कम्पनि सामसुङले त्यहाँकै औषधि तथा खाद्य सुरक्षा मन्त्रालयबाट इलेक्ट्रोकार्डियोग्राम (इसिजी) मापन गर्ने प्रणालीको बिकास गर्न अनुमति प्राप्त गरेको छ ।

कम्पनिले सो अनुमति पश्चात डिजिटल स्वास्थ्य सेवा सुरक्षाको क्षेत्रमा ठूलो फड्को मार्न सकिने समेत जनाएको छ ।

मन्त्रालयको अनुमति सँगै अब सामसुङ कम्पनिका स्मार्ट घडी लगाउने तथा सामसुङ हेल्थ केयर एप मार्फत इसिजी मुल्याङ्कन गर्न सकिने छ ।

कम्पनिका अनुसार गत अगस्टमा सार्वजनिक गरिएको ग्यालेक्सी वाच एक्टिभ २ स्मार्ट घडीले इसिजी मापन गरणन सक्दछ । स्थानीय कानुनी झमेलाका कारण उक्त फिचर हाल उपलब्ध गराइएको छैन ।

कम्पनिले दुर्गम क्षेत्रमा बसोबास गर्ने मानिसहरुलाई समेत सहयोग हुने भन्दै उक्त प्रविधिको विकास गरेको जनाएको छ । इसिजी मापन गर्ने क्षमताको उक्त स्मार्ट घडी अागामी जुलाई देखि सेप्टेम्बरको विचमा सर्वसाधारण सम्म पुर्याउने कम्पनिको दावी रहेको छ ।

उक्त स्मार्ट फोन मार्फत इसिजी सुविधा लिन सजिलो ठाउँमा बसेर उक्त एप खोली औँलाको टुप्पालाई घडीको माथि करिव २ मिनेट ३० सेकेन्ड राखे पश्चात नतिजा आफै हेर्न सकिने कम्पनिले बताएको छ । कम्पनिले मन्त्रालयबाट रक्तचाप मापन गर्ने प्रविधिको विकास गर्ने अनुमति समेत प्राप्त गरेको छ ।

यस प्रविधिले जनतालाई उनीहरुको समस्याको बारेमा ज्ञान हुने मात्र नभई समस्याका बेला डाक्टरहरु सँग सल्लाह लिन समेत सहज हुने कम्पनिको दावी छ । कम्पनिले मानव स्वास्थ्यका क्षेत्रमा अझ बढी आधुनिक र परिस्कृत रुपले कसरि जाने भनेर विश्लेषण समेत भइरहेको जनाएको छ ।हटपाटीबाट

Leave a Reply

Your email address will not be published. Required fields are marked *