एक प्रिफेक्चरबाट अर्कोमा जान लगाइएको प्रतिबन्ध पनि फिर्ता

जापान समाचार

टोकियो

प्रधानमन्त्री शिन्जो आबेले शुक्रबारबाट कोरोना भाइरस नियन्त्रणको अति आवश्यक बाहेक एउटा प्रिफेक्चरबाट अर्को प्रिफेक्चरमा जानको लागि लगाइएको प्रतिबन्ध फिर्ता लिएका छन् ।

हामी सामाजिक र आर्थिक गतिविधिहरु पुर्नस्थापना गर्नको लागि जोड दिइरहेका छौ । एउटा प्रिफेक्चरबाट अर्को प्रिफेक्चरमा जानको लागि अब प्रतिबन्ध लगाइने छैन । प्रधानमन्त्री शिन्जो आबेले कोरोना भाइरस कार्यदलको बैठकमा भने ।

मे महिनाको अन्तिममा आपतकालिन फिर्ता लिए पनि जापान सरकारले अति आवश्यक बाहेक विभिन्न स्थानहरुमा एक प्रिफेक्चरबाट अर्को प्रिफेक्चरमा यात्रा नगर्न अनुरोध गरेका थिए ।

जापानक प्रिफेक्चरहरु मध्ये हालसम्म टोकियोमा सबैभन्दा धेरै कोरोना भाइरस संक्रमण पुष्टि भएको छ ।

जापान सरकारले कोरोना भाइरस संक्रमणको नियन्त्रण र आर्थिक पुनर्स्थापना गर्नको लागि सन्तुलन मिलाउने काममा जोड दिइरहेको छ । सरकारले दोस्रो चरणमा कोरोना भाइरस फैलिनबाट जोगाउनको लागि समेत विभिन्न योजनाहरु बनाइरहेको छ ।

Leave a Reply

Your email address will not be published. Required fields are marked *