दुई कोरिया बिच टकराव,दक्षिण कोरियाका एकिकरण मन्त्रीको राजिनामा,मुन जे ईन द्वारा राजिनामा स्विकृत !

कोरिया जानाकारी

सोल

पछिल्ला दिनहरुमा कोरियाली प्रायद्वीपमा भइरहेको तनाव मथ्थर पार्न नसकेको भन्दै दक्षिण कोरियाली एकिकरण मन्त्री किम योन छलले दिएको राजिनामा दक्षिण कोरियाली राष्ट्रपति मुन जे ईनले स्विकृत गरेका छन् ।

राष्ट्रपति मुनले समस्यालाई झन खराव हुन नदिन पहल गर्न भनेको केही दिनमा छलले राजिनामा दिएका थिए । राष्ट्रपति मुनले आफ्नै निवास छङ्वादेमा आज उनको राजिनामा स्विकृत गरेका हुन् ।

विहिवार रात्री भोजन सँगै गरेका राष्ट्रपति मुनले किमको विकल्प बारे तत्काल केही खुलाउन चाहेनन् ।

दक्षिण कोरियाली समाचार संस्था द कोरिया टाइम्सका अनुसार हालका एकिकरण राज्यमन्त्री सु हो आगामि कार्यकालका लागि एकिकरण मन्त्रीको रुपमा आउन सक्ने छन् ।

हाल दक्षिण कोरियाली सञ्चार माध्यमहरुमा एकिकरण मन्त्रीका रुपमा सांसद ली इन योङ तथा मुनका सचिवालय सदस्य समेत रहेका इम जोङ स्योकको चर्चा पाइन्छ । यद्यपि उक्त विषयमा मुनले फराकिलो निर्णय लिन सक्ने समेत बताइएको छ ।

हालै मुनले राष्ट्रिय सुरक्षा परिषदका निर्देशक चुङ इवी योङ तथा राष्ट्रिय इन्टेलिजेन्स सेवाका निर्देशक सु हुनलाई जिम्मेवारीबाट पदमुक्त गरि अरुलाई नै नियुक्त गर्ने योजना भएको बताईएको छ।

Leave a Reply

Your email address will not be published. Required fields are marked *