कोरियामा आजमात्रै ६१ जना नयाँ सङ्क्रमित थपिए !

कोरिया आज

गुरुदत्त न्यौपाने/सियोल

कोरियामा कोरोना भाईरस बाट आज सङ्क्रमित ६१ जना सङ्गै जम्मा सङ्क्रमितको सङ्ख्या १३,६१२ पुग्यो।

पछिल्लो २४ घन्टा यता २ जनाको मृत्यु भएको छ।अहिले सम्म कोरोनाको कारण कोरियामा २९१ जनाको मृ’ त्यु !

आज ४८ जना सङ्क्रमित पुर्ण निको भएर डिस्जार्च भएसंगै जम्मा निको हुनेको सङ्ख्या १२,३९६ जना।

दक्षिण कोरियामा कोरोना भाईरस सङ्क्रमण नियन्त्रण उन्मुख रहेको भनियतापनि हरेक दिनजसो सङ्क्रमित फेला परेका छन।आजमात्रै ६१ जना सङ्क्रमित फेला परेका छन।

फेला परेका सङ्क्रमित मध्ये १४ जना स्वदेशमै सङ्क्रमण भएका हुन भने विदेशबाट सङ्क्रमित भएर आउनेको सङ्ख्या ४७ जना रहेको छ।अहिलेसम्म विदेशबाट सङ्क्रमण भएर आउनेको सङ्ख्या १९६६ पुगेको छ।

कोरियाले पछिल्लो समय अन्तरास्ट्रिय उडान खोले सङ्गै विदेशबाट कोरिया आउने सङ्क्रमित को सङ्ख्या बढदो क्रममा रहेको छ।आयातित सङ्क्रमण बढेपछी कोरिया सरकारले बंगलादेश र पाकिस्तानका नागरिकलाई कोरिया आउने सबै भिषा रद्द गरेको छ।

रोजगारीको लागी कोरिया आउने अन्य देशहरुका ई-९ भिषा बहाकहरुलाई नि कोरिया सरकारले कडाई गरेको छ।कोरिया प्रवेशको लागी १४ दिन सेल्फ क्वारेन्टाईन स्थल खोजेर एचआरडी मार्फत अनुमती गराई कोरिया प्रवेश गर्न सकिने ब्यबस्था रहेको छ।कोरियामा मापदण्ड अनुरुपको क्वारेन्टाईन स्थल नहुने विदेशी श्रमिकहरु कोरिया प्रवेश गर्न पाउने छैनन।

कोरियाले अहिलेसम्म १४ लाख ४१ हजार ३४८ जनाको पिसिआर प्रविधि मार्फत कोरोना टेस्ट गरेको छ।

Leave a Reply

Your email address will not be published. Required fields are marked *