डब्ल्युएचओले भन्यो, ‘कोरोना भयानक हुनसक्छ, खोप र इम्युनिटीले अरु निरास बनाउनेछ’

समाचार

काठमाडौं

विश्व स्वास्थ्य संगठनले भनेको छ, यदि ठोस कदम चालिएन भने कोरोना भाइरसको संक्रमण अरु भयानक हुनेछ ।

विश्व स्वास्थ्य संगठन (डब्ल्युएचओ) प्रमुख डा. टेड्रोस एड्हानोम गेहब्रेयसले भने, ‘विश्वका कतिपय मुलुक कोरोना नियन्त्रण गर्ने कुरामा गलत दिशामा गएका छन् ।’ कोरोना भाइरसको नयाँ घटनाहरु बढिरहेका छन् । यसले के देखाउँछ भने आवश्यक सर्तकता एवं सावधानी अपनाइएको छैन ।

उत्तरी र दक्षिणी अमेरिका यस महामारीको चपेटामा अझैपनि नराम्ररी फसेको छ । अमेरिकामा स्वास्थ्य विशेषज्ञ र राष्ट्रपति डोनाल्ड ट्रम्पबीच चलिरहेको गलफत्तीबीच संक्रमणको नयाँ घटनाहरु तिब्र रुपमा बढिरहेको छ ।

जान्स हपकिन्स युनिभर्सिटीका तथ्यांक अनुसार अमेरिका कोरोनाको सबैभन्दा ठूलो मारमा छ । त्यहाँ अहिलेसम्म ३३ लाख व्यक्ति संक्रमित छन् र एक लाख ३५ हजार बढीले ज्यान गुमाइसकेका छन् ।

Leave a Reply

Your email address will not be published. Required fields are marked *