दक्षिण कोरियामा सरकार विरुद्ध प्रदर्शन गर्ने ३० जना भन्दा बढी पक्राउ, अनुसन्धान गरिदै

कोरिया आज

सोल

दक्षिण कोरियाको राजधानी सोलमा सरकार विरोधी प्रदर्शन गर्ने मध्येका ३० भन्दा बढी व्यक्तिहरुलाई प्रहरीले नियन्त्रणमा लिएको छ ।

प्रदर्शन रोक्ने क्रममा प्रहरीमाथि जाई लाग्न खोज्ने उनीहरुलाई प्रदर्शन स्थलबाट पक्राउ गरिएको प्रहरीले जनाएको छ । उनिहरु विरुद्ध प्रहरीले पक्राउ पुर्जीका लागि अदालतमा प्रकृया सुरु गरिसकेको समेत जनाएको छ ।

जापानी उपनिवेशबाट सन् १९४५ मा स्वतन्त्र भएको ७५ औँ बार्षिकोत्सवका अवसरमा उनीहरुले ठूलो संख्यामा मानिसहरु जम्मा गराई राजधानी सोलका विभिन्न क्षेत्रमा प्रदर्शन गर्ने तयारी गरेका थिए । सरकारको निर्देशन विपरित १०००० भन्दा बढी व्यक्तिहरु उक्त र्यालीमा सहभागी भएका थिए ।

उक्त र्यालीमा सहभागीहरु मध्ये अधिकांश बृद्ध उमेरका थिए भने अन्यहरु चर्चसँग सम्बन्धित व्यक्तिहरु थिए । उनीहरुले सरकार विरोधि पर्चा र पम्प्लेट बोकेका थिए भने कतिपयले भने उत्तर कोरियासँगको सम्बन्ध सुधार गर्नुपर्ने माग लेखिएका पर्चाहरु समेत बोकेका थिए । त्यस्तै कतिपयले भ्रष्टाचार आरोपमा जेलमा रहेका पुर्व राष्ट्रपति पार्क ग्युन हाईको रिहाईको माग समेत गरेका थिए ।

यता सरकारले भने कोरोना माहामारी संकट बढ्दै गइरहेका कारण गत हप्ताबाट नै राजधानी सोल लगायतका भीडभाड हुने क्षेत्रमा भेला, सभा, सम्मेलन, जुलुस लगायतका गतिविधि गर्न निषेध गरेको थियो । सरकारी महामारी नियन्त्रण अभियानमा साथ नदिएको भन्दै आन्दोलनको नेतृत्व गर्ने उनीहरुलाई पक्राउ गरिएको हो । प्रहरीका अनुसार पक्राउ गरिएकाहरुलाई कानुन अनुरुप कारवाही गरिने छ ।Hotpati

Leave a Reply

Your email address will not be published. Required fields are marked *