आजदेखी राजधानी सउलमा १० जना भन्दा बढी जमघट गर्न नपाईने !

कोरिया आज

गुरुदत्त न्यौपाने /सियोल

सउल महानगरपालीका ले आज राजधानीमा १० वा सो भन्दा बढी ब्याक्तीको जमघटमा प्रतिबन्ध लगाउने घोषणा गरको छ।

सउल महानगरपालीका का अनुसार भोली शुक्रबार देखी अगस्ट ३० को मध्यरात सम्म लागु हुनेगरी यो नियम लागु गर्ने भएको हो।

पछिल्लो केहीदिन देखी एक्कासी दोस्रो चरणको कोरोना सङ्क्रमण ह्वात्तै बढेसंगै सउल महानगरपालीकाले सामाजिक दुरी कायम गर्नुपर्ने नियमलाई कडाईका साथ लागु गर्ने जनाएको छ।सडकमा र्याली लगायत अन्य जमघटलाई नगरपालीकाले पुर्ण रुपमा बन्धेज लगाउने घोषणा गरको छ।

उक्त नियमको बेवास्था तथा उल्लङ्घन गर्ने लाई ३० लाख कोरियन वोन (२५२६$) जरिवाना सहित सङ्क्रामक रोग नियन्त्रण तथा रोकथाम ऐेन अन्तर्गत कानुनी कारबाही गर्न सकिने नियममा उल्लेख छ।

गत शनिबार सउलमा रास्ट्रपति मुन विरुद्दको आन्दोलनमा हजारौँ बृद्द सहभागी भएको कारण कोरियामा कोरोना सङ्क्रमण बढेको भन्दै यस्ता गतिबिधी सन्चालन गर्ने चर्च पादरीहरुलाई कानुन अनुसारको कारबाही प्रकृया अगाडी बढाईएको छ।राजधानी सउलमा यस्ता कृयाकलाप बढेसंगै यस्तो नियम ल्याएको नगरपालीकाले जनाएको छ।

सउल क्षेत्रका चर्चहरुमा विगत एकहप्ता अगाडीदेखी ६३७ जना कोरोना पोजेटिभ देखिएका छन।गत हप्ताकोसरकार विरोधी आन्दोलनमा सहभागी १८ जनामा कोरोना सङ्क्रमण पोजेटिभ देखिएसंगै सउलमा उच्च शतर्कता अपनाईएको छ।

Leave a Reply

Your email address will not be published. Required fields are marked *