स्याङ्जा परिवार थेगु शाखाले भलिवल प्रतियोगिता गर्ने

कोरिया जानाकारी

सिओल

स्याङ्जा परिवार दक्षिण कोरिया थेगु शाखाले यही आउँदो अगस्त ३० तारिक भलिबल प्रतियोगिता गर्ने भएको छ ।

“स्वस्थ जीवनका लागि खेल” भन्ने मुल नाराका साथ नेपाली चाडहरुको आगमनको सुरुवातमा भलिबल प्रतियोगिता गरेर नेपाली मौलिक चाडहरुलाई स्वागत गर्ने भएको छ ।

लामो समय सम्म कोभिड -१९ को कारणले अन्य कुनै पनि कार्यक्रमहरु गर्न नसकी रहेको अवस्थामा अहिले केही सहज अवस्था देखिएकोले मौलिक चाडहरुको आगमनको अवसर पारेर समग्र नेपाली समुदाय तथा साथीभाइ हरुको सौहार्दपूर्ण भेटघाट र मिलन होस् भन्ने उदेश्य ले खेल आयोजना गर्ने निर्णय गरिएको बताइएको छ ।

भलिबल खेल सबैको आकर्षकको खेल भएकोले प्रतियोगितात्मक रुपमा खेलाउन खोजिएको कुरा खेल संयोजक डिलेन्द्र मगरले बताए । यसका बाबजुत समग्र कोरिया भरी रहनु भएका सम्पूर्ण खेलाडी साथीहरुलाई समेट्ने ईच्छा हुँदा हुँदै पनि कोरोनाको असरकै कारणले अहिलेको अवस्थामा थेगु एरिया र आसपासको क्षेत्र बाहेक अन्य क्षेत्रका खेलाडिहरुलाई समेट्न नसकिने वाध्यत्मक अवस्था रहेको आयोजक ले समितिले जनाएको छ ।

आगामी दिनहरुमा कोरोनाको प्रभाव र अन्य कुराहरु सहज भएको अवस्थामा सबैलाई समेट्ने कोशीस पनि गरिने उहाँको कुरामा समर्थन जनाउँदै कार्यक्रम संयोजक तथा आयोजक सँस्थाका निबर्तमान अध्यक्ष तथा बर्तमान बरिष्ठ सल्लहाकार बिरेन्द्र नौभाग्य ले जानकारी दिएका छन् । यस्तो अवस्थामा सबैले परिस्थितीको सही मुल्याङ्कन गर्दै हामीले चालेको कदमलाई सकारात्मक रुपमा लिईदिन आयोजक ले आग्रह गरेको छ ।

साथै स्थानिय प्रशासन तथा स्थानिय नगरपलिका दुबैको अनुमति लिएर सुरक्षित तरिकाले खेल खेलाउन लागेको सँस्थाका बरिष्ठ उपाध्यक्ष मित्र मगरले बताएका छन् । खेल थेगु नजिकै कुजीको भलिबल खेल मैदानमा खेलाउने कुरा पनि जानकारी गराईेएको छ । खेल टि टि प्रणालीमा नै खेलाईने छ ।

बिजेतालाई नगद पुरस्कार सहित कप, मेडल र प्रमाण पत्र प्रदान गरिने जनाईेएको छ । प्रतियोगिता भब्य रुपमा सम्पन्न गर्नको लागि थेगु आसपासमा रहेका सेल्टर,संघ संस्थाहरु एबम् नजिकै रहेका हाम्रा हितैषी संस्था परोपकार समाज कुजी बाट विशेष साथ सहयोग, सहभागिता हुने कुरोमा हामी विश्वस्त छौं। र यो क्षेत्रमा रहेका अन्य संघ संस्था तथा बुद्दिजिवी र खेल प्रेमिहरुलाई प्रतियोगिता सफल पार्नको लागि सहयोग गरिदिनु हुन पनि आयोजक सँस्थाको तर्फ बाट अनुरोध गरिएको छ ।

विविध सोधपुछ र जानकारीका लागी सम्पर्क :
बीरेन्द्र नौभाग्य : 01O59320601

Leave a Reply

Your email address will not be published. Required fields are marked *