आइफोन १२ का प्राय पार्ट्सहरु दक्षिण कोरिया निर्मित

कोरिया जानाकारी

सोल

अमेरिकी फोन निर्माता कम्पनि एप्पलको पछिल्लो संस्करणको स्मार्टफोन ‘आइफोन १२’ को निर्माणमा धेरै जसो पार्ट्स दक्षिण कोरियाको प्रयोग भएको पाइएको छ ।

गत महिना सार्वजनिक गरिएको उक्त नयाँ फोनको ओएलइडी डिस्प्ले देखी मेमोरी चिप्स समेत दक्षिण कोरियामा नै निर्माण भएको पाइएको हो ।

जापानी समाचार संस्था निकेकेइ दैनिकका अनुसार गत हप्ता एक जापानी टेक कम्पनिले आइफोन १२ का पार्ट्सहरुको अध्ययन गरेको थियो । अध्ययनका क्रममा उक्त फोनमा सबैभन्दा बढी दक्षिण कोरियाली सामाग्रीहरुको प्रयोग पाइएको हो ।

उक्त फोनमा करिव २७ प्रतिशत दक्षिण कोरियाली सामानको प्रयोग गरिएको छ ।ओएलइडी डिस्प्लेकै कारण आइफोन १२ मा कोरियाली सामानको मात्रा बढेको पाइएको हो । समाचार अनुसार सामसुङले आइफोन १२ फोन करिव ८ करोड संख्यामा उत्पादन गर्दै छ ।

ति मध्ये ६ करोड बढी सेटहरुमा सामसुङको डिस्प्ले प्रयोग गरिने छ भने बाँकीमा एलजीको डिस्प्लो प्रयोग गरिने छ ।आइफोन १२ मा प्रयोग गरिएको डिस्प्लेको मुल्य ७० अमेरिकी डलर हो जुन उक्त फोन उत्पादन गर्न लाग्ने ३७३ अमेरिकी डलर खर्चको १९ प्रतिशत हो ।

यसका अलावा सामसुङ र हिंस कम्पनिले मेमोरी चिप्स तथा डिर्याम समेत एप्पललाई सप्लाई गर्दछन् ।Hotpati

Leave a Reply

Your email address will not be published. Required fields are marked *