दक्षिण कोरियामा गम्भिर प्रकृतिका कोरोना बिरामीहरुका लागि शैय्या अभाव

कोरिया जानाकारी

सोल

दक्षिण कोरियामा गम्भिर प्रकृतिका कोरोना भाइरस संक्रमितहरुको संख्या बढ्दै गएपश्चात त्यस्ता बिरामी उपचार गर्ने अस्पताल शैय्या अभाव हुन थालेको छ ।

स्वास्थ्य तथा समाजकल्याण मन्त्रालयका अनुसार हाल दक्षिण कोरियाका गम्भिर प्रकृतिका बिरामीहरुको उपचार गरिने देशभरका ५४८ अस्पतालहरुमा जम्मा ६६ शैय्या मात्र खाली छन् ।

यता हालै गरिएको एक अध्ययनले कोरोना भाइरस करिव ६.५ मिटरको दुरी सम्मबाट समेत सर्ने बताएको छ । ज्येनबुक नेशनल युनिभर्सिटीले हालै गरेको अध्ययन अनुसार कोरोना भाइरसका जिवाणुहरु ६.५ मिटर परसम्म समेत पुग्ने गरेको पाइएको हो ।

यो अध्ययन पश्चात कोरोना भाइरस २ मिटरसम्म मात्र सर्छ भन्ने मान्यतालाई समेत चुनौति दिएको कोरियाली समाचार संस्थाहरुले बताएका छन् ।

हाल कोरोना भाइरस संक्रमण अनौठो किसिमले फैलिरहेको बताउदै अध्ययनकर्ताहरुले सबैलाई सावधानी अपनाउन अनुरोध समेत गरेका छन् । अध्ययनकर्ताहरुले कोरोना भाइरसको खार खोप निर्माण नभइञ्जेल सरकारले लागु गरेका स्वास्थ्य मापदण्डहरुको अनिवार्य पालना गर्न समेत भनेका छन् ।

यता दक्षिण कोरियाली राजधानी सोलमा प्रति एक हजार जनसंख्यामा १ जनामा कोरोना भाइरस संक्रमण पाइएको अध्ययनले देखाएको छ । यो दर उच्च रहेको बताउदै दक्षिण कोरियाली स्वास्थ्य विज्ञहरुले चेतावनी समेत दिएका छन् ।

Leave a Reply

Your email address will not be published. Required fields are marked *